Biz haqimizda
2014-yilda yirtqich qushlar va ular bilan ov qilishga qiziquvchi ishqibozlarni birlashtirgan Tugan Falconry Club Jamiyati tashkil etildi.
Ushbu Jamiyat O‘zbekiston uchun kamdan-kam uchraydigan hodisa bo‘lib, respublikada uchraydigan lochinlar populyatsiyasini asrash va ko‘paytirish kabi oliyjanob maqsadni ko‘zlaydi.
Jamiyat bazasida zamonaviy uskunalar bilan jihozlangan va qushlarni ko‘paytirish uchun zarur sharoitlar bilan ta’minlangan noyob va yo‘qolib ketish arafasida turgan yirtqich qushlarni ko‘paytirish bo‘yicha Tugan Falconry Facility pitomnigi mavjud. Shuningdek Tugan Falconry Facility Lochinlar reabilitatsiyasi va reintroduksiyasi markazi ham faoliyat ko‘rsatmoqda. Pitomnik va reabilitatsiya markazining asosiy vazifasi, afsuski, tabiatdan ko‘ra Qizil kitobda ko‘proq uchraydigan noyob lochinlarning populyatsiyasini va reintroduksiyasini oshirishdan iborat.
Tugan Falconry Club Jamiyatida baquvvat jamoa shakllangan bo‘lib, uning a’zolari o‘zlarining “qanotli do‘stlari” uchun javobgarlik darajasini yaxshi anglaydi va ovchi qushlar uchun pitomnik va reabilitatsiya markazini saqlash borasidagi o‘z imkoniyatlariga ob’ektiv baho bera oladi. Ushbu sohada ko‘p narsalarni mustaqil ravishda o‘rganishga to‘g‘ri keldi, bu jarayon hozir ham davom etmoqda. Tugan Falconry Club reabilitatsiya markazi va Tugan Falconry Club pitomnigi tajribali mutaxassislar nazorati ostida O‘zR Tabiatni muhofaza qilish davlat qo‘mitasining Davlat bionazorati hududida tashkil etilganligi bizga o‘z faoliyatimizda dastlabki muvaffaqiyatli qadamlarni tashlashga yordam berdi. Reabilitatsiya markazi va pitomnik faoliyatining shaffofligi va qonuniyligi, shuningdek bioxilmaxillikni asrash kabi umumiy ishdagi ishtirok Tugan Falconry Club Jamiyatining asosiy tamoyillaridan biridir va shunday bo‘lib qoladi ham.
